संतो सुरगा सु आयो है सन्देश बुलावो आग्यो राम को भजन लिरिक्स

संतो सुरगा सु आयो है सन्देश,
बुलावो आग्यो राम को,
ओ बुलावो आग्यो राम को,
संतो सुरगा सु आयो हैं सन्देश,
बुलावो आग्यो राम को।।

एक मिनट प्रभु देर करो तो,
करूँ बेटा से बात,
डिबलया माहि गेहना धरया है,
डिबलया माहि गेहना धरया है,
राजी राजी थे लीजो बाँट,
बुलावो आग्यो राम को,
संतो सुरगा सु आयो हैं सन्देश,
बुलावो आग्यो राम को।।

एक मिनट प्रभु देर करो तो,
करूँ बहुआ से बात,
म्हे तो म्हारो धर्म निभादी,
म्हे तो म्हारो धर्म निभादी,
बांध के राखजो परिवार,
बुलावो आग्यो राम को,
संतो सुरगा सु आयो हैं सन्देश,
बुलावो आग्यो राम को।।

एक मिनट प्रभु देर करो तो,
करूँ बेटी से बात,
मायरेड़ी मन में रह गई,
मायरेड़ी मन में रह गई,
बीरो भरेगो थारो भात,
बुलावो आग्यो राम को,
संतो सुरगा सु आयो हैं सन्देश,
बुलावो आग्यो राम को।।

एक मिनट प्रभु देर करो तो,
करूँ पोता से बात,
दादी जी तो सुरगा चाल्या,
दादी जी तो सुरगा चाल्या,
कुंण तो लड़ासी थारा लाड़,
बुलावो आग्यो राम को,
संतो सुरगा सु आयो हैं सन्देश,
बुलावो आग्यो राम को।।

एक मिनट प्रभु देर करो तो,
करूँ पति से बात,
रोली मोली चुनड़ी मेहँदी,
मोत्या से भर दो मेरी मांग,
बुलावो आग्यो राम को,
संतो सुरगा सु आयो हैं सन्देश,
बुलावो आग्यो राम को।।

एक मिनट प्रभु देर करो तो,
करूँ थासु अरदास बात,
भव सागर से पार करो थे,
भगता रो राखीजो सन्मान,
बुलावो आग्यो राम को,
संतो सुरगा सु आयो हैं सन्देश,
बुलावो आग्यो राम को।।

संतो सुरगा सु आयो है सन्देश,
बुलावो आग्यो राम को,
ओ बुलावो आग्यो राम को,
संतो सुरगा सु आयो हैं सन्देश,
बुलावो आग्यो राम को।।

स्वर – अनिल शर्मा।