जागा पुरबला भाग सतगुरु आया

जागा पुरबला भाग,
सतगुरु आया,
रे धिनगुरू आया,
म्हारा मेटिया चौरासी रा दाग,
दरशण पाया हां जी।।

अरे ऊगो सोने रो सुर,
दुरमत भागी,
रे दुरमत भागी,
म्हारी निंद्रा रे हो गई दूर,
सुमता जागी हां जी।।

अरे शब्द सुनाया कोन,
होया निस्तार,
रे होया निस्तारा,
मैं तो धरियो सोहम रो ध्यान,
आनंद अपारा हां जी।।

अरे अनंत जन्म अजोण,
दुखड़ो पायो,
रे दुखड़ो पायो,
म्हारी लगी गुरु शरणों में डोर,
सुख में नहायो हां जी।।

अरे आगे जमों रो ज़ोर,
अब नहीं डरणा,
रे अब नहीं डरणा,
म्हारी खुल गयी हिरले री खोण,
हो गया निरणा हां जी।।

इण भव रे सागरिये रे मोय,
सतगुरु मिणधारी,
ऐ तो किश्तुरराम जस गाय,
जाऊं मैं तो बलिहारी हां जी।।

जागा पुरबला भाग,
सतगुरु आया,
रे धिनगुरू आया,
म्हारा मेटिया चौरासी रा दाग,
दरशण पाया हां जी।।

Singer – Ranjeet Lohar
9057996118