तेरा बेटा करै सै याद,
के संकट काटण आईए री।।
लिकड़े जा सै जान री काली,
सकंट सतावै सै,
पटक पटक सिर मारे जाऊं,
ना पार बसावै सै,
मेरी आकै सुण फरियाद,
के संकट काटण आईए री।।
कदे पितर कदे बणै पीर ना,
समझ मैं आवै री,
भुत प्रेत कदे जिन बणै मां,
खुब डरावै री,
मैं कर राख्या बर्बाद,
के संकट काटण आईए री।।
आंगण के मा धरे पांवते,
रोज पताशे री,
सकंट नै मां कर राखे मेरे,
जी नै राशे री,
मेरी आकै बचादे लाज,
के संकट काटण आईए री।।
गोलू दास पै मेहर करी,
धरा मां का ध्यान री,
सुमित शर्मा तेरे लाल नै,
मां ज्यादा ज्ञान री,
यो बाजै अनिल का साज,
के संकट काटण आईए री।।
तेरा बेटा करै सै याद,
के संकट काटण आईए री।।
Singer – Anil Durjanpuriya
Writer – Kumar Sumit Sharma
7206391791
