हो आज्या अंजनी दुलारे,
हो जोत जगाई तेरी।।
सालासर में मंदिर तेरा,
आऊँ तेरे द्वारे हो,
लाल लंगोटा ले क लाऊँ,
तेरे जयकारे हो,
अर्जी लगाई तेरी हो,
हो आजया अंजनी दुलारे,
हो जोत जगाई तेरी।।
मेंहदीपुर में जा क देखी,
तेरी शान निराली हो,
प्रेतराज और भैरव बाबा,
संकट काटं भारी हो,
करं सं दुहाई तेरी,
हो आजया अंजनी दुलारे,
हो जोत जगाई तेरी।।
तेरी जोत प आ क बाबा,
संकट नाचे भारी हो,
खाण पिण भी कुछ ना देता,
हो री स लाचारी हो,
आश लगाई तेरी हो,
हो आजया अंजनी दुलारे,
हो जोत जगाई तेरी।।
तेरे बिना इस जग में,
कोए भी ना मेरा हो,
रमेश नांगलिया ने तेरे दर प,
आ क लाया डेरा हो,
रात जगाई तेरी हो,
हो आजया अंजनी दुलारे,
हो जोत जगाई तेरी।।
हो आज्या अंजनी दुलारे,
हो जोत जगाई तेरी।।
भजन प्रेषक – राकेश कुमार जी,
खरक जाटान(रोहतक)
( 9992976579 )
वीडियो उपलब्ध नहीं है।
