तेरे चरणो का दास बनु,
मेरे खाटू वाले श्याम,
दे दो ऐसा वरदान,
दे दो इसा वरदान।।
मैं भी खाटू में आऊं,
कोई ऐसा जतन बता दे,
तेरे लाडले बालक की,
तु बाबा धीर बंधा दे,
सुबह शाम तेरी ज्योत जगाऊ,
दिल मेँ यों अरमान,
दे दो इसा वरदान।।
अपने हाथा त बाबा,
सिंगार तेरा मै सजाऊँ,
कदे नजर लाग ज्या तेरे,
मै काला टिका लाऊ,
मेरा रोम यों बोलन लागया,
ऊँची तेरी शान,
दे दो इसा वरदान।।
जब जब देखु तेरी मूरत,
मेरा मन राजी हो जावे,
ना भुख लगे मने बाबा,
बस तेरा ख्याल हो आवे,
मेरी आत्मा न्यु गावे बस,
तु ही मेरा भगवान,
दे दो इसा वरदान।।
तू हारे का सहारा,
या दुनिया सारी गावे,
बिट्टू तेरे भजना में,
यो दिल ते साथ निभावे,
सोमपाल यो कालखे आला,
बाबा करे तेरा गुणगान,
दे दो इसा वरदान।।
तेरे चरणो का दास बनु,
मेरे खाटू वाले श्याम,
दे दो ऐसा वरदान,
दे दो इसा वरदान।।
गायक – बिट्टू कालखा & सोमपाल कालखा।
9991446855
