जागो दादा खेड़े जागो,
तनै जगावण आया हो,
सवेरा हो गया दादा,
मैं तनै नहावण आया हो।।
गंगाजल की भरूं बाल्टी,
तनै स्नान करा दूंगा,
धूप दीप मेवा मिश्री,
तेरे आगै भोग लगा दूंगा,
तेरे हाजिर जान करा दूंगा,
मैं न्यु बतलावन आया हो,
सवेरा हो गया दादा,
मैं तनै नहावण आया हो।।
कोयल मोर पपैए बोलैं,
जिनकी मीठी बोली हो,
ठंडी ठंडी हवा चलै सै,
वार भतेरी होली हो,
सूरज नै खिड़की खोली हो,
मैं शीश झुकावण आया हो,
सवेरा हो गया दादा,
मैं तनै नहावण आया हो।।
धोली ध्वजा चढ़ा दूंगा,
ल्याया फूलां का हार तेरा,
शेषनाग की ढाल नगर पै,
बरसे जा सै प्यार तेरा,
यू सेवक सै संसार तेरा,
मैं तने मनावन आया हो,
सवेरा हो गया दादा,
मैं तनै नहावण आया हो।।
कृष्ण जुएं आला हरदम,
खड़ा रहै तेरी सेवा में,
तन मन धन अर्पण कर दूंगा,
मेरे पूजनीय देवा में,
सेवा तै मिलती मेवा मैं,
झोली भरवावण आया हो,
सवेरा हो गया दादा,
मैं तनै नहावण आया हो।।
जागो दादा खेड़े जागो,
तनै जगावण आया हो,
सवेरा हो गया दादा,
मैं तनै नहावण आया हो।।
गायक – कृष्ण जुआं वाले।
9813297388
