लीले घोड़े रा असवार,
करा थारी मनवार,
बाबा म्हारे घरा आओ जी।।
कान में थारे कुंडल सोहे,
गल बैजंती माला,
सिर पे थारे मुकट विराजे,
नैन लगे मतवाला,
शोभा बरनी ना जाए,
देख्या मन हर्षाए,
बाबा म्हारे घरा आओ जी।।
दीनो का थे नाथ कहाओ,
पांडव कुल अवतारी,
महिमा थारी वर्णी ना जावे,
पूजे दुनिया सारी,
म्हे भी धरा थारो ध्यान,
गावां थारा ही गुणगान,
बाबा म्हारे घरा आओ जी।।
आंधा ने थे आंख्या देवो,
पांगलिया ने पाँव,
कोड़ीया को कोड मिटाओ,
जाने सकल जहान,
अरजी करे है ‘रमेश’,
काटो कष्ट कलेश,
बाबा म्हारे घरा आओ जी।।
लीले घोड़े रा असवार,
करा थारी मनवार,
बाबा म्हारे घरा आओ जी।।
Singer – Sanju Sharma Ji
Upload By – Sanjay Khandelwal
