हारे का एक सहाई,
मेरा श्याम धणी खाटू वाला,
हर रोग की राखे दवाई,
मेरा श्याम धणी खाटूवाला।।
बणै ना कठै जो काम,
बन जावै खाटू में,
ग्यारस की ग्यारस जो,
चाल आवै खाटू में,
करे सगलां की सुनवाई,
मेरा श्याम धणी खाटूवाला।।
अठै बठै भटकी ना,
सांवरै को ध्यान कर,
करेगो मेहर वो तो,
आपको ही जाण कर,
है दयावान सुखदाई,
मेरा श्याम धनी खाटूवाला।।
सांवरो दातार भेद,
सगला का जाणै है,
कोई भी हो बात नहीं,
सांवरे सू छाणे है,
नहीं छिपे है लाख छिपाई,
मेरा श्याम धणी खाटूवाला।।
बावले ‘सरल’ की ही,
नाव मझधार में,
करी जो पुकार तार,
मिल गई तार में,
दिख्यो आवतो ही कृष्ण कन्हाई,
मेरा श्याम धणी खाटूवाला।।
हारे का एक सहाई,
मेरा श्याम धणी खाटू वाला,
हर रोग की राखे दवाई,
मेरा श्याम धणी खाटूवाला।।
Singer – Lavish Chugh
9413724924
