हो म्हारा भेरूजी सरकार,
म्हारी सुनलो पुकार,
म्हाने नाकोडा बुलालो जी,
भेरूजी म्हाने चरणा सु लगालो जी।।
तर्ज – म्हारो गोरबन्द।
हो थारो विश्वास म्हाने,
थारो ही भरोसो,
थे हो भगतो रा आधार,
दादा करो उपकार,
म्हाने आप ही सम्भालो जी,
भेरूजी म्हाने चरणा सु लगालो जी।।
आवे हिचकी म्हाने,
याद थारी आवे,
हो थांसु लागी साँची प्रीत,
थे ही मनडे रा मीत,
दादा प्रीत निभालो जी,
भेरूजी म्हाने चरणा सु लगालो जी।।
एक दिन सुणसी दादा,
अर्जी हमारी,
हो ले जैसी नाकोडा धाम,
बणसी भगता रो काम,
दिलबर यो ही रखवालो जी,
भेरूजी म्हाने चरणा सु लगालो जी।।
हो म्हारा भेरूजी सरकार,
म्हारी सुनलो पुकार,
म्हाने नाकोडा बुलालो जी,
भेरूजी म्हाने चरणा सु लगालो जी।।
गायक – संयम नाबेड़ा हैदराबाद।
रचनाकार – दिलीप सिंह सिसोदिया ‘दिलबर’।
नागदा जक्शन म.प्र. 9907023365
