सेवा करले नाथ की सेवा करले,
करकै नै सेवा फल मेवा ले पा,
दिन रात कर खूभात,
अपणा भाग ले बणा।।
सच्ची सेवा श्रदा भक्ति,
होती ना बेकार कदे,
गोरख बाबा अपणे भगत की,
होण ना देता हार कदे,
चरणों में गिरज्या तनै,
लेगा अपणा,
दिन रात कर खूभात,
अपणा भाग ले बणा।।
शाम सवेरे नीत टीका क,
धूणे न सुलगाया कर,
सारी इंद्री काबू करकै,
ओम नमः शिव गाया कर,
लाग्गै स आच्छा इसनै,
शिव जपणा,
दिन रात कर खूभात,
अपणा भाग ले बणा।।
ठाई सेवा माँ बाछल नै,
दुनिया गावै रोज मीसाल,
जिसका जग म डंका बाजै,
इसा दिया गोरख न लाल,
चाहिए स मांगण आला,
देवै स घणा,
दिन रात कर खूभात,
अपणा भाग ले बणा।।
काटै योगी योग जोग से,
दुख संकट के सारे फंद,
लक्की शर्मा नाथ शरण म,
जन्नत का लेरया आनन्द,
कुड़लण आले गजेन्द्र,
नाम ले जणा,
दिन रात कर खूभात,
अपणा भाग ले बणा।।
सेवा करले नाथ की सेवा करले,
करकै नै सेवा फल मेवा ले पा,
दिन रात कर खूभात,
अपणा भाग ले बणा।।
Singer – Lucky Sharma Picholiya
9034283904
Writer – Gajender Swami Kurlan
9996800660
