ऊंचे डुंगरिये बम भोलो,
धुणी रे रमावे,
धुणो रे जगावे,
म्हारे महादेव रा,
तीनु लोक गुण गावे।।
हे जटाजुट में,
बाबो गंगा बसावें,
रे गंगा रमावे,
म्हारा महादेव जी,
शीश पे चंदों सजावें।।
हे जटाधारी शिव,
नाग गले लपटावे,
रे गले लपटावे,
बाबो त्रिशूल धारी,
डमडम डमरू बजावे।।
हे शमशाणा री भस्मी,
अंगड़े लगावे,
रे अंगडे लगावे,
बाबो आक धतुरा,
खावे ने जेहर घटकावे।।
हे महादेव जी भगतां री,
आस पुरावे,
रे आस पुरावे,
चरणां में जोगी रे,
भजन सुरेश सुणावे।।
ऊंचे डुंगरिये बम भोलो,
धुणी रे रमावे,
धुणो रे जगावे,
म्हारे महादेव रा,
तीनु लोक गुण गावे।।
गायक – सुरेश मुसाफिर।
9352720847
